اجمل ومضات الشعر الشعبي العراقي بانامل شعراء رائعون

الموضوع في 'منتدى الشعر العربي الفصيح والشعبي Arabic poetry' بواسطة محمد الحميدي85, بتاريخ ‏14 أغسطس 2012.

  1. محمد الحميدي85
    Offline

    محمد الحميدي85 :: عضو موهوب :: مسجلين

    المشاركات:
    1,422
    الإعجابات المتلقاة:
    2
    الإقامة:
    ذي قار / قلعة سكر
    [hr][/hr][font=tahoma, MS Sans Serif, verdana, arial, helvetica, sans-serif][font=tahoma, MS Sans Serif, verdana, arial, helvetica, sans-serif][/font]
    انته كاس العالم انته المونديال
    واحنه جمهور والك نقسم قسم
    كلشي بيك انشجعه يخسر او يفوز
    يعني اكلك حته شجعنه الحكم


    ياحبيبي الشوك ما يقبل صيام
    ليش ساكت وانته تعرف حالنة
    عمي مالازم تسولف بالغرام
    حته لو قرأن هم اقرالنه



    ماكلك احبك بطلت مليت
    لأن كلمة احبك زيدت نوحي
    ومو معناه اكرهك لا ولك موهيج
    راح انوب اكلك يابعد روحي


    ــــــــــــــــــــــــــــــــــــــــــــــــ


    انه وياك بعشرتي انطيتك سنين
    انطيتك روحي وعيوني هدية
    بس انته بعشرتك كلي شنطيت
    مره انطيت ... بس انطيت بيه

    ــــــــــــــــــــــــــــــــــــــــــــــــــ ـ

    ترهدن بالمشي من تمشي بين الناس
    يالمشيك يلوك بمشيت القادة
    بس حسب احسابك من تمر وتفوت
    التفت شوف الوراك احتركو اجداده

    ــــــــــــــــــــــــــــــــــــــــــــــــــ ـــــــ

    من اتكلي احبك مو حجي السان
    تعال اثبتلي بالله شلون حبيت
    لآن اني بمحبتي عندي اثبات
    اذا تنطيني سم انطيك جكليت

    ــــــــــــــــــــــــــــــــــــــــــــ

    عليك الله التفت خليني اشوفك
    ولو لحظه بحياتك حطني عالبال
    يالطولك مثل مدري مثل من
    لأن ماكو اليشبهك بين الأشكال
    صدك احله واحد انته بالناس
    وأذا ما صدكت ينحل الأشكال
    اذا حورية احط وبصفك اتصير
    بالنسبة لجمالك جنهه رجال
    ــــــــــــــــــــــــــــــــــــــــــــــــ

    تورطنه بهواك ايتعب الحال
    وماحسبنه هيج ايكون وضعه
    فقره وحيل صعبه انكيش وياك
    حبك مو سهل يحتاج فزعه
    بعد ما جيك وحدي اعذرني مولاي
    عله حبك اجيب وياي تسعه

    ـــــــــــــــــــــــــــــــــــــــــــــــــ

    عشنه فقرة وابد ما نمتلك بيت
    وأذكر امي من صغرنه أمئجره دار
    وجي لأن عالباب كاتب ياحسين
    الباب كل راس الشهر يدفع الاجار

    ـــــــــــــــــــــــــــــــــــــــــــــــ

    انته شفاف وترف حد النخاع
    وبجمالك لا اكيد انته الشرس
    وماتضل خطوات جدمك عالتراب
    لأن جدمك لو مشه يهمس همس
    وانته ربك يعرفك كد ما رقيق
    فوك خصرك كتب ممنوع اللمس

    ــــــــــــــــــــــــــــــــــــــــــــــــــ ــ

    عله كثر الدمع ما ظلت عيون
    وعله كد البعد وزعنه الأحلام
    هيه ايام حلوه وراحت ابعيد
    كلي اشلون ترجع ذيج الأيام

    ــــــــــــــــــــــــــــــــــــــــــــــــــ ـ

    يالرحت زعلان من عندي ومشيت
    اعذرني جي خليتك بزعلك رحت
    ولأن ما لحكت اكلك لا تروح
    بس ثكل وجهك عليه انه طحت

    ـــــــــــــــــــــــــــــــــــــــــــــــ

    وصل حبي الك حد ماهو معقول
    بحيث وياي انته واني مشتاك
    تشابكني وتشاقيني واشاقيك
    وأصيح الله واكبر بسك فراك

    ـــــــــــــــــــــــــــــــــــــــــــ

    شعجب طعم الأخوة بهل الزمن راح
    ويضنون النحبهم النه غاية
    مو احنه النصاحب لجل غايات
    احنه اصحاب موقف للنهاية

    ـــــــــــــــــــــــــــــــــــــــــ

    ملك خلو عليك ايسجل ذنوب
    وأظن وياك كاضيه ضلايم
    وانته الماصمت رمضان فد يوم
    الملك داخ بجمالك كتب صايم

    ــــــــــــــــــــــــــــــــــــــــــــــــــ ــــ

    اذا صابك جرح يعني اني مجروح
    واحد صرنه احنه جروحك جروحي
    واذا رايد احضنك سهله ما محتار
    لذلك كيفت كم اجرح بروحي

    ــــــــــــــــــــــــــــــــــــــــــــــــ

    حيرة والله وياك جبناها السنين
    امجتفات اعيونه اعله طيوفك
    انته ماتنشاف لو جيت بنهار
    مر علينه بالليل بلكي انشوفك

    ــــــــــــــــــــــــــــــــــــــــــــ

    مايقيمك أي ذهب اي شي ثمين
    وأغله صدك انته من كل حاجة
    واحنه لو عدنه شخص مثلك جميل
    مانطلعه انضمه بالثلاجة
    ــــــــــــــــــــــــــــــــــــــــــــــــــ ــــ
    [/font]
     
  2. عاشقة التدريس
    Offline

    عاشقة التدريس :: عضو سوبر :: مسجلين

    المشاركات:
    912
    الإعجابات المتلقاة:
    0
    [font=tahoma, MS Sans Serif, verdana, arial, helvetica, sans-serif]واحنه لو عدنه شخص مثلك جميل
    مانطلعه انضمه بالثلاجة
    [/font]
    [​IMG]
    [font=tahoma, MS Sans Serif, verdana, arial, helvetica, sans-serif]شمنعه الثلاجة لان الجو حارمثلا؟[/font][​IMG]
    رائعة جدا
     
  3. esraa omre
    Offline

    esraa omre :: عضو سوبر :: مسجلين

    المشاركات:
    932
    الإعجابات المتلقاة:
    0
    مشكوووووووووووووور
     
  4. استاذ حسين
    Offline

    استاذ حسين مراقب عام طاقم الإدارة

    المشاركات:
    6,229
    الإعجابات المتلقاة:
    5
    الإقامة:
    Iraq
    حلووووووووووووووو


    عاشت ايدك
     
  5. ام احـمد
    Offline

    ام احـمد :: رهيب :: مسجلين

    المشاركات:
    422
    الإعجابات المتلقاة:
    2
    شعجب طعم الأخوة بهل الزمن راح
    ويضنون النحبهم النه غاية
    مو احنه النصاحب لجل غايات
    احنه اصحاب موقف للنهاية


    رووووووعه
     

مشاركة هذه الصفحة